Að koma sér fyrir

Skráning í landið

  • Nemendur eiga að skrá sig inn í landið innan 90 daga frá komudegi.
  • Skráning inní landið er eins fyrir þá sem eru í námi og þá sem eru ekki í námi. Sá sem ekki er í náminu gæti þurft að skrifa undir samning þess efnis að hann muni ekki sækja um styrki frá ríkinu. Heimasíðan fyrir skráninguna: http://www.bmbah.hu/teruleti_szervek.php?city=4&specialization=0&function=0&region=0
    Í
     „Administration“ flipanum er hægt að finna upplýsingar um skráningarferlið sjálft sem og upplýsingar um tímapantanir. Ráðlagt er að panta tíma því biðin gæti annars orðið ansi löng eftir afgreiðslu.
  • Til að skrá sig inní landið þarf að hafa meðferðis: passamynd, útfyllt umsóknareyðublað (fæst á heimasíðu skólans), sérstök ríkisfrímerki sem fæst á næsta pósthúsi (kallast ILLETÉKBÉLYEG), leigusamning, lánsáætlun LÍN eða yfirlýsingu frá þínum viðskiptabanka að nemandi hafi pening til ráðstöfunar til að lifa og kvittanir úr hraðbönkum.

 

Lögheimili

Flestir, ef ekki allir, eru skráðir með lögheimili á Íslandi. Við þurfum ekki að flytja lögheimi okkar til Ungverjalands. Til að tryggja réttindi þín hjá LÍN og íslenska almannatryggingakerfinu skal vera með lögheimili á Íslandi.

 

Tramminn – Villamos

Heimasíða almenningssamgangna í Debrecen: http://www.dkv.hu/en

Mælt er með því að fá sér trammakort en það er ein lína sem gengur í gegnum bæinn. Það er verið að byggja nýja línu sem á að vera til í maí 2014. Tramminn gengur frá lestarstöðinni niðri í bæ, upp að skólanum og niður aftur.
Maður sparar sér stórfé á að hafa trammakort og hægt er að kaupa það í aðalháskólabyggingunni (DKV skrifstofa), á DKV skrifstofunni í sama húsi og Aktiv (næstu hæð fyrir neðan Aktiv) og á pósthúsum.

Mánaðarkort í tramman, sem gildir líka í strætó, kostar 3700 HUF ef viðkomandi framvísir skólaskírteini. Án skólaskírteinis er verðið rúmlega 5000 HUF.
Stakur miði í trammann kostar 400 HUF, hægt er að kaupa 10 miða á 3000 HUF í ýmsum verslunum. Staka miða þarf að stimpla um leið og maður kemur um borð í trammanum eða í strætóinn.
Reglulega eru verðir  sem athuga með miðana og mánaðarpassana. Til þess að mánaðarpassinn sé gildur þarf skólaskírteinið að vera gilt líka og því þarf að framvísa. Ef miðinn eða mánaðarpassinn er ógildurs sekta þeir viðkomandi.

 

Stúdentaskírteini

Til að fá nema-afslátt í tramman skal hafa stúdentakort. Ungverska ríkið gefur út stúdentakort en það getur tekið langan tíma að fá það þar sem ekki er tekið við umsóknum fyrr en í október. (Breyttar reglur hjá borgarstjórn Debrecen). Hægt er að fara styttri leið og fá sér ISIC kortið sem er alþjóðlegt stúdentakort. Það fæst í ferðaskrifstofunni VISTA (við hliðina á Subway á Kossuth torginu rétt sunnar við Gulu krikjuna) og kostar um 2000 HUF. Til að fá ISIC kortið þarf að hafa meðferðis vegabréf, passamynd og lecture card. Með ISIC kortinu eða  ungverska skólaskírteininu færðu mánaðarkort í tramman á 3600 HUF, lestarmiðana ódýrari og ódýrt í bíó.

Lecture card

Fæst á educational office þegar skráning í skólann er frágengin. Þessu korti er framvísað sem skilríki við flest próf.

 

Verslanir

  • Það eru 3 stórmarkaðir í bænum; Interspar, Tesco og Auchan. Þar fást flestir hlutir sem gagnast þegar maður er nýkominn til Debrecen, allt frá matvælum til rúmfata. Cora er svolítið útúr alfara leið sem og  Auchan en hjá Auchan er bæði Jysk(rúmfatalagerinn) og Kika sem bæði selja húsgögn og hluti fyrir heimilið. Kika er sú búð sem kemst næst því að vera IKEA.
  • Tesco er eins og góð Hagkaups búð á Íslandi og er einnig með Tesco Express búð í miðbænum, sem er lítil búð  með helstu matvælum.http://tesco.hu/aruhazak/aruhaz/22
  • Í Malom Park er einnig Praktiker sem selur húsgögn, verkfæri, málningu osfrv. Minnir á litla BYKO. http://www.praktikerwebshop.hu/praktiker/aruhazak/9/debrecen/9/
  • Í Debrecen er stórt moll, Forum, þar sem má finna Zöru, H&M, Stradivarius, Berska, New Yorker ofl ofl. Þar er einnig Media Markt, raftækjabúð, sem selur sjónvörp, tölvur, síma, sléttujárn, hárblásara osfrv.
    Einnig er minni verslunarkjarni, Plaza, með minna þekktum búðum en þar er einnig bíóið í Debrecen.  http://www.cinemacity.hu/en/

 

Skildu eftir svar

Netfang þitt verður ekki birt. Nauðsynlegir reitir eru merktir *